БЕБЕ САЕМ по четврти пат ве поканува да дојдете и да поминете забавен ден со семејството на место каде што се обединети најдобрите домашни и странски компании што нудат услуги и производи за бебиња, трудници и за деца.

На специјализираниот БЕБЕ САЕМ и оваа година можете да најдете сè на едно место – стручни совети за трудниците, едукативни предавања за родителите во врска со правилниот развој на детето, најразлични производи и услуги наменети за бебињата и за децата до 14 години, како и многу, многу забава за најмалите!

Дојдете и споделете со вашите најмили незаборавен ден во светот на играчките, музиката, забавата, танцот, театарските претстави, детските модни ревии и земете активно учество во разни други интересни активности. Истовремено, научете како да го направите детството на вашето малечко вистинска бајка.

Саемот ќе се одржи во Спортскиот центар "Борис Трајковски" од 4 до 6 мај 2012 година, со работно време од 10 до 20 часот.